Liebi Fasnächtler

Und scho isch äs wieder September. Wiä diä Ziit vergaht...äs isch unglaublich.

Mir sind i däre Ziit nöd untätig gsi. Und so chönd mir jetzt mit Freud sMotto für dFasnacht 2017 bekannt gäh. Äs heisst

Helden und Legenden - eusi Schlacht am Bachtel

Dä Idee und Kreativität sind au das Jahr kei Grenze gsetzt. Wer oder was isch eure Held oder euri Legende? Ob Comic-Superfiguren oder ä Person usem wahre Lebe...wer na nöd gstorbe isch dä läbt na hüt.

Oder mir tüends bi eusere eigene viertägige Schlacht am Bachtel wiederuferstah lah. 

Mir sind überzoge, dass ihr au a däre Fasnacht wieder sehr kreativ si werdet und freued eus scho jetzt uf vieli tolli Kostüm und Maskierige.

Eures FAKOHI