Hüt ineme Monet simmer scho mittendrin statt nur dabei - bi dä Hinwiler Fasnacht 2018! :-)

Diä diesjährig Fasnacht findet unterem Motto "Singlebörse - dAHV bruucht Nachwuchs" statt.

Vo diverse Siite hämmer scho ghört, dass äs uuuuu schwierig isch ä entsprechendi Maske zfinde. Däbi isch äs ja sooo eifach! Äs git soviel Möglichkeite...vom Herzblatt, über dä Storch wo Chinde bringt bis hi zuneme AHV-Bänkli gits soviel Sache.

Äs isch ja jetzt na äs bitzeli Ziit zum sich namal dä Chopf zerbreche und dänn na Vollgas gäh bim bastle. :-)

Mir sind dävo überzüügt, dass ihr au das Jahr wieder werdet super kreativ si und mir freued eus jetzt scho wahnsinnig uf all diä verschiedene Maske!

Das Jahr dörfed mir näbst eusem sustige Programm na ä hammer Überraschig verkünde.

Als Premiäre werdet mir das Jahr a eusere Fasnacht im schöne Hinwil äs Guggemusig us Holland ha!! Wänn das mal nöd dä Hammer isch! :-)

Sie heissed "Windkracht 9" und bsueched eus vom Fritig- bis und mit Samstigabig und sind au am Umzug mit däbi. Mir findets eifach nur geil!!

sSchöne Wetter händ mir au scho bstellt und in sofern cha dä Fasnacht vo dem Jahr nüüt meh im Weg stah.

Mir freued eus riesig und hoffed natürlich wiä jedes Jahr uf än huufe Böögli und Bööge bi eus a dä Fasnacht!

Bis baaaaald ihr liebe Fasnachtsfründe

Eures FAKOHI